हवामानाचा अनपेक्षित बदल, जाणून घ्या तुमच्या पिकांसाठी काय महत्त्वाचे आहे…?
20-01-2025
हवामानाचा अनपेक्षित बदल, जाणून घ्या तुमच्या पिकांसाठी काय महत्त्वाचे आहे…?
परभणीने मराठवाड्यातील शेतकऱ्यांसाठी कृषी सल्ला दिला आहे. प्रादेशिक हवामान केंद्र, मुंबई येथून प्राप्त अंदाजानुसार, पुढील चार दिवस हवामान कोरडे राहण्याची शक्यता आहे. तसेच, कमाल तापमान हळूहळू वाढेल आणि किमान तापमानात मोठी तफावत जाणवणार नाही.
हवामान पूर्वानुमान व शिफारशी
१७ ते २३ जानेवारीदरम्यान पाऊस सरासरीपेक्षा अधिक होण्याची शक्यता आहे.
२४ ते ३० जानेवारीदरम्यान पाऊस सरासरीपेक्षा कमी राहण्याचा अंदाज आहे.
शेतकऱ्यांनी पिकांसाठी योग्य पाणी व्यवस्थापन करावे.
पीक व्यवस्थापन
ऊस पीक
आवश्यकतेनुसार पाणी द्यावे.
नविन लागवड केलेल्या ऊस पिकात खुरपणी करून तण नियंत्रण करावे.
खोड किडीच्या नियंत्रणासाठी क्लोरपायरीफॉस २०% २५ मिली किंवा क्लोरॅट्रानोलीप्रोल १८.५% ४ मिली प्रति १० लिटर पाण्यात फवारणी करावी.
हळद पीक
आवश्यकतेनुसार पाणी व्यवस्थापन करावे.
कंदमाशीच्या प्रादुर्भावासाठी क्विनालफॉस २५% २० मिली किंवा डायमिथोएट ३०% १५ मिली प्रति १० लिटर पाण्यात फवारणी करावी.
उघड्या कंदांना मातीने झाकून घ्यावे व वेळेवर हळदीची भरणी करावी.
हरभरा पीक
तुषार सिंचन पद्धतीने पाणी द्यावे.
घाटे अळी नियंत्रणासाठी पक्षी थांबे व कामगंध सापळे लावावेत.
फुलोरा अवस्थेत ५% निंबोळी अर्काची फवारणी करावी.
करडई पीक
मावा किडीच्या नियंत्रणासाठी डायमिथोएट ३०% १३ मिली किंवा असिफेट ७५% १० ग्रॅम प्रति १० लिटर पाण्यात फवारणी करावी.
आवश्यकतेनुसार पाणी व्यवस्थापन करावे.
फळबाग व्यवस्थापन
संत्रा/मोसंबी
फळ वाढीसाठी ००:५२:३४ १५ ग्रॅम प्रति १० लिटर पाण्यात मिसळून फवारणी करावी.
वाळलेल्या फांद्यांची छाटणी करून बोर्डो पेस्ट लावावी.
अंतरमशागतीची कामे करून तण नियंत्रण करावे.
डाळिंब
फळांची योग्य वेळी काढणी करावी.
बाग स्वच्छ ठेवण्यासाठी रोगग्रस्त फांद्यांची छाटणी करावी.
भाजीपाला व्यवस्थापन
वांगे
शेंडा व फळ पोखरणाऱ्या अळीवर नियंत्रणासाठी शेंडे व फळे नष्ट करावीत.
क्लोरॅट्रानिलीप्रोल १८.५% ४ मिली प्रति १० लिटर पाण्यात फवारणी करावी.
मिरची व गवार
पावडरी मिल्ड्यू रोगाच्या नियंत्रणासाठी मायक्लोब्यूटॅनिल १०% १० ग्रॅम प्रति १० लिटर पाण्यात फवारणी करावी.
फुलशेती व्यवस्थापन
फुल पिकातील तण नियंत्रणासाठी खुरपणी करावी.
आवश्यकतेनुसार पाटाने पाणी व्यवस्थापन करावे.
तुती रेशीम उद्योग
तुती बागेवर कोळी किटकांचा वाढता प्रादुर्भाव रोखण्यासाठी गंधक ८०% ३ ग्रॅम प्रति लिटर पाण्यात फवारणी करावी व ५ दिवसांनी पाने काढून टाकावीत.
पशुधन व्यवस्थापन
जनावरांना जंतनाशक पाजावे व लसीकरण करावे.
दूध उत्पादनासंदर्भात मार्गदर्शनासाठी टोल फ्री क्रमांक १८००-२३३-०४१८ वर संपर्क साधावा.
