हळद बेण्याचे दर गगनाला, हंगाम सुरू होण्याआधीच खळबळ…

सध्या पारंपरिक पिकांपेक्षा हळद लागवड (Turmeric Cultivation) करणाऱ्यांची संख्या वाढत आहे. अनेक शेतकरी आता हळद उत्पादन या फायदेशीर पर्यायाकडे वळत आहेत. त्यामुळेच हळद बेणे (Turmeric Seed) मागणीने झपाट्याने वेग घेतला आहे.

हंगामी मागणीमुळे दरवाढ:

साधारणतः हळद लागवड मे महिन्यात केली जाते. त्यामुळे एप्रिलपासूनच हळद बेणे शोध सुरू होते. यंदा फेब्रुवारीमध्ये जेव्हा हळदीचे दर स्थिर होते, तेव्हा बेणेला अडीच हजार रुपये प्रतिक्विंटल दर मिळत होता. मात्र, मागणी वाढल्याने सध्या ते तीन ते पाच हजार रुपये प्रतिक्विंटल दरम्यान पोहोचले आहे.

(टीप: सर्व शेतमालाचे जिल्ह्यानुसार व सर्व बाजार समितीचे बाजारभाव खालील लिंक वर पाहायला मिळतील👇🏻)
https://www.krushikranti.com/bajarbhav

बाजारात तुटवडा, शेतात उपलब्धता:

सध्या बाजारपेठांमध्ये हळद बेणे उपलब्ध नसून, ती शेतकऱ्यांच्या शेतातूनच मिळत आहे. त्यामुळे चांगल्या प्रतीचे बेणे मिळवण्यासाठी शेतकरी मोठ्या प्रमाणावर धावपळ करत आहेत.

चांगल्या बेण्याला विशेष पसंती:

शेतकऱ्यांना चांगली प्रती हळद लागवड करायची असल्याने ते केवळ दर्जेदार बेण्याचीच निवड करत आहेत. यामुळे चांगल्या बेण्याचे दरही तुलनेत अधिक आहेत.