महाडीबीटी पोर्टलवरून करा ऑनलाईन अर्ज आणि मिळवा शासकीय अनुदानित शेती उपकरणे…

सन २०२४-२५ साठी अन्न आणि पोषण सुरक्षा-अंतर्गत कडधान्य, भात, गहू तसेच राष्ट्रीय खाद्यतेल अभियान-गळीतधान्य योजनेखाली महाडीबीटी पोर्टलवर सिंचन साधने (पाईप व पंप) या घटकांसाठी लक्षांक निश्चित करण्यात आलेले आहेत. 

त्याबरोबर कडधान्य विभागांतर्गत बीजप्रक्रिया ड्रम (Seed Treatment Drum), पौष्टिक तृणधान्य योजनेअंतर्गत Pulverizer आणि राष्ट्रीय खाद्यतेल अभियान-गळीतधान्य अंतर्गत मनुष्यचलित टोकन यंत्र (Dibbler), सायकलवर चालणारे सिड ड्रील (Seed Drill), आणि छोटे तेल घाणा सयंत्र (Oil Extraction Unit) यांसाठीही लक्षांक ठरवले आहेत.

लाभार्थी निवड प्रक्रिया

सदर योजनांचा लाभ घेण्यासाठी इच्छुक शेतकऱ्यांना महाडीबीटी पोर्टलवर ऑनलाईन अर्ज सादर करावा लागेल. लाभार्थ्यांची निवड ऑनलाईन पद्धतीने पारदर्शकतेसह केली जाईल. शेतकऱ्यांच्या सोयीसाठी संबंधित योजनांच्या टाईल्स "Mechanization" आणि "Irrigation" या विभागांतर्गत उपलब्ध करून देण्यात आल्या आहेत.

अर्ज प्रक्रिया आणि अंतिम तारीख

शेतकरी बंधूंनी महाडीबीटी पोर्टलवर अर्ज करण्यासाठी खालील संकेतस्थळास भेट द्यावी:

महाडीबीटी पोर्टल

अर्ज करण्याची अंतिम तारीख २८ जानेवारी २०२५ आहे.

योजनेंतर्गत उपलब्ध घटक:

सिंचन साधने: पाईप आणि पंप

कडधान्य विभाग: बीजप्रक्रिया ड्रम

पौष्टिक तृणधान्य: Pulverizer

खाद्यतेल गळीतधान्य:

मनुष्यचलित टोकन यंत्र (Dibbler)

सायकलवर चालणारे सिड ड्रील (Seed Drill)

छोटे तेल घाणा सयंत्र (Oil Extraction Unit)

अधिक माहितीसाठी संपर्क साधा

शेतकऱ्यांनी अर्ज भरताना अडचण आल्यास किंवा अधिक माहितीसाठी खालील कार्यालयांशी संपर्क साधावा:

विभागीय कृषी सह संचालक कार्यालय

जिल्हा अधिक्षक कृषी अधिकारी कार्यालय

उप विभागीय कृषी अधिकारी कार्यालय

तालुका कृषी अधिकारी कार्यालय

शेतकरी बांधवांना आवाहन

शासनाने विविध योजनांचा लाभ सर्वसामान्य शेतकऱ्यांपर्यंत पोहोचविण्यासाठी ही सुवर्णसंधी उपलब्ध करून दिली आहे. शेतकरी बांधवांनी या योजनांचा लाभ घेण्यासाठी लवकरात लवकर अर्ज भरावा आणि आपल्या शेतीसाठी आधुनिक सिंचन साधने व यांत्रिकीकरणाचा फायदा घ्यावा.