Weather update : राज्याच्या अनेक भागात आजही मुसळधार पाऊस, उद्या कसे राहील हवामान?

मुसळधार पावसामुळे देशाच्या अनेक भागात पिकांचे नुकसान झाले आहे. भारतीय हवामान विभागाने (आयएमडी) विदर्भ आणि मराठवाडा यासह महाराष्ट्राच्या काही भागात मुसळधार ते अति मुसळधार पावसाचा अंदाज वर्तवला आहे. विदर्भ आणि मध्य महाराष्ट्र आणि मराठवाड्याच्या काही भागात उद्या पाऊस पडण्याची शक्यता आहे.

दोन दिवसांच्या मुसळधार पावसामुळे राज्याच्या काही भागात दाणादाण झाली आहे. मात्र, हवामान विभागाने आज विदर्भातील नागपूर, भंडारा आणि चंद्रपूर जिल्ह्यांमध्ये वादळी वाऱ्यासह मुसळधार पावसाचा ऑरेंज अलर्ट जारी केला आहे. राज्यातील अमरावती, गोंदिया, गडचिरोली, यवतमाळ, वाशिम, अकोला आणि बुलढाणा जिल्ह्यात तुरळक ठिकाणी मुसळधार ते अति मुसळधार पावसाचा ऑरेंज अलर्ट जारी करण्यात आला आहे.

मराठवाड्यातील जालना, परभणी, हिंगोली, नांदेड, लातूर, बीड आणि धाराशिव या जिल्ह्यांमध्ये काही ठिकाणी हलका ते मध्यम पाऊस पडण्याची शक्यता आहे. रत्नागिरी, पुणे आणि सिंधुदूर्ग जिल्ह्यात ऑरेंज अलर्ट जारी करण्यात आला आहे. राज्याच्या इतर भागातही मुसळधार पावसाचा अंदाज हवामान खात्याने वर्तवला आहे.

अमरावती, नागपूर, वर्धा, भंडारा, गोंदिया, चंद्रपूर आणि गडचिरोली या जिल्ह्यांमध्ये तुरळक ठिकाणी ढगांच्या गडगडाटासह वादळी वारे वाहण्याची शक्यता आहे. मध्य महाराष्ट्रातील पुणे, नाशिक आणि अमरेली जिल्ह्यांसाठी येलो अलर्ट जारी करण्यात आला आहे. याशिवाय कोकण, मराठवाडा, उत्तर महाराष्ट्र आणि विदर्भातील काही जिल्ह्यांमध्ये मध्यम ते मुसळधार पावसाचा अंदाज वर्तवण्यात आला आहे.